Hargeysa(Warsugan)Ururka Horumarinta iyo daraasaadka somaliland ee SODRA ayaa Habeen hore qabtey Munaasibad balaadhan oo lagu dhiirigelinaayo dhallinyarada somaliland Munaasibada oo aheyd mid aad u qiimo badan waxaa kasoo qayb-galley wasiirka Shaqada iyo arrimaha bulshada somaliland Cali Maxamuud Axmed (Cali Sandule),Maayirka Caasimada Hargeysa Cabdiraxmaan Cabdilaahi Caydiid (Soltelco),Gudoomiyaha Diiwaanka sekada Sh.Siciid Maxamed Faarax Jire, xildhibaano kasocdey golayaasha Degaanka dalka, salaadiin, waayeel.iyo marti sharaf kalla duwan oo dhamaan isaga yimi gobolada dalka.
Gudoomiyaha Ururka SODRA Ahmed Mohamed shaqalle oo munaasibadaasi ka hadley ayaa sheegay in SODRA ay munaasibadani ugu tallo gashey iney dhiirigeliso dhallinyarada kalla duwan ee somaliland ee horumarka sameeyey sidoo kalle tusaale u noqday dhallinyarada dhigooda ah dhinacyda horumarinta bulshada, qanacsiga, saxaafada, akhriska, qoraalka iyo farshaxanka,iyo shaqaalaha Dawladda.
Agaasimaha fullinta SODRA Cabdiraxmaan sheekh, Agaasimaha waaxda xidhiidhka bulshada cabdikhaaliq ayaa kawaramey muhiimada dhallinyaradu leedahey munaasibadani oo kalle .
Cabdilaahi sheekh oo madashaasi ka hadley ayaa dhallin yarada uga waramey mawduuca ku taxaluuqa dhiirigelinta dayarta,
Sh.Siciid Maxamed Faarax Jire ayaa isna khudbad muxaadiro aheyd oo aad u qiimo badan Madashaasi kajeediyey isagoo sheekh siciid dhallinyarada uga xogwarameyq iimaha wakhti u leeyahey dhallinyarada muhiimada diinta islaamu siisay dhallinyarada
Hogaamiyaha Ololaha Cidhibtirka Qabyaalada Abdikariim Mooge oo madashaasi ka hadley ayaa sheegay in dhallinyarada somaliland ku socoto tubtii horumarka sidoo kallena loo baahan yahey iney ka xoroobaan jahliga iyo qabyaalada sidoo kalle waxaa uu xusay in SODRA Iyo gudoomiyahooga ahmed shaqalle kamudan yihiin somaliland Xushamayn iyo qadarin dheeraad ah madaama oo ay isu xilqaameen dhiirigellinta bulshada somaliland.
Xoghaya golaha wasiirada somaliland sharmaake axmed muxumed geelle ayaa xusay mihiimada ay leedahey dhiirigellinta dhallinayaradu, Xil.Maxamuud Warsame, Cumar Xaaji Xuseen Cumar Xaashi ,Huda,hoodo ayaan,Hal-abuur caawa, hal-abuur yaxye yabaasha, hal-abuur cali dhanaaniye, hal-abuur cabdiqani mandela, iyo marti sharaf kalla duwan oo madasha ka hadley ayaa xusey qiimaha ay leedahey dhiirigellinta dhallinyaradu,
wasiir kuxigeenkii hore ee shaqada iyo arrimaha bulshada somaliland cabdiwaaxid cabdiqaadir cabdiraxmaan ayaa sheegay in loo baahan yahey in dhallinayarada lagu garab gallo horumarinta dalkooda.
Duqa Caasimada Hargeysa oo madashaasi ka hadleya ayaa siqiiro wadaniyad leh ugu sheekeeyay mudadii uu xilka hayey iyo caqabadaha ka hor yimi iyo waliba shaqada uu u qabtey caasimada isagoo dhallinyaarda ku booriyey in hiil ay lagarab galaan dhallinyarada xilalka haya gaar ahaan ka maayar ahaan.
Wasiirka wasaarada shaqada iyo arrimaha bulsahda somaliland Cali maxamuud Axmed (Cali Sandule) oo munaasibadaasi soo gunaanadey ayaa dhallinyarada somaliland ku hambalyeey guulaha iyo horumarka kalla duwan ee ay gaadheen waxaanu wasiirku madashaasi ka xusay in uu shaqaalaysiinaayo Hal-abuurad Caawa oo ah gabadh arag kanaafo ah,Wiil dhallinyaro ah oo murawaxad sameeyay iyo waliba ayuub ibraahim faarax oo ah wiilka ugu horeeyey ee somaliland ee dayar oo kusoo biira saaxaafada somaliland.
