Wafti Uu Hogaaminaayey Ururka Horumarinta Deeganada Cadaadlay iyo Sabawanaag Ee Khayre 21 Oo Soo Kormeeray Mashaariic Horumarineed Oo Laga Waday Degmada Sabawanaag
Hargeysa(warsugannews)-Wafti balaadhan oo ay hogaaminaayeen Masuuliyiinta sare ee Ururka horumarinta Deegaanka Cadaadlay iyo Sabawanaag ee Khayre 21 ayaa kormeer ku gaadhay mashaariic horumarineed oo laga waday meelo kamida degmada Sabawanaag
Waftiga oo ay weheliyeen Suldaanka guud Beesha Bariga Hargeysa Suldaan Yuusuf Muxumed Xiirey , Suldaan Maxamuud Cabdi Cabdilaahi iyo xubno kale oo kamida haldoorka iyo aqoonyahanka deegaanka Cadaadlay iyo Sabawanaag ayaa waxa ay arooryadii hore ka jarmaadeen Caasimada Somaliland ee Hargeysa iyagoo isla markaasina kormeerkooda ka bilaabay dugsiga boodhinka ah ee Qoton iyagoo isla markaasina halkaasi ay si weyn ugy soo dhaweeyeen Maamulka iyo Macalimiinta Boodhinka Qoton iyo Madaxda sare ee Ururka Tabantaabo oo isagu gacanta ku haya Dugsigan.
Waftigan oo u kuurgalaayey sida ay u socoto hawlaha waxbarasho ee dugsigan ayaa intii ay ku sugnaayeen dugsiga waxa warbixin kooban kasooyey Maamulka iyo macalimiinta Dugsiga iyo Masuuliyiinta Ururka tabantaabo oo isagu gacanta ku haya hawlaha Dugsigan Boodhinka ah ee qoton iyagoo isla markaasina uga waramay sida ay u socoto hawlaha Dugsigani iyo sidoo kale waxyaabaha muhiimka ah ee dugsigani u baahan yahay in lagu soo kodhiyo.
Waftiga ayaa iyana dhinacooda balanqaaday in ay Ururka Khayre 21 ahmiyad weyn sii doono sidii uu wax ula qaban lahaa ardayda waxku barata dugsigan, iyagoo isla markaasina hore kasii waday kormeerkoodii
Waftiga ayaa sidoo kale arooryadii hore ee saaka booqday Tuulada Bali Kaliil iyagoo isla markaasina soo kormeeray. Dugsiga Boodhinka ah ee Dalaayad School oo ah dugsiga ugu weyn uguna ardayda badan ee kuyaala degmada Sabawanaag iyagoo isla markaasina ay si weyn ugu soo dhaweeyeen Maamulka iyo Macalimiinta dugsiga iyo hogaanka sare ee Ururka Sooryo oo ah ururka isagu gacanta ku haya hawlaha horumarineed ee dugsigan Dalaayad .
Warbixin dheer oo Waftigu ka dhagaystay Maamulka Dugsiga iyo Masuuliyiinta Sare ee Ururka Sooryo kadib waxa Waftiga lagu sooryeeyey Casuumad balaadhan oo Quraac Sharafeed ah oo ay Ururka Sooryo iyo Dadweynaha deegaankani kaga dareen celiyeen booqashada iyo u kuurgalka Waftigani dadaalka ugu jiraan baahiyaha dewgaanka Sabawanaag.Kadib markii ay Waftiga soo dhamaysteen kormeerkii iyo casuumadii deegaanka Bali Kaliil waxa ay usii dhaafeen xarunta degmada Sabawanaag iyadoo isla markaasina si weyn loogu soo dhaweyey Waftiga
Waftiga ayaa intii ay ku sugnaayeen Magaalada Maxamed Axmed ee xarunta Degmada Sabawanaag waxa ay kormeer ku gaadheen goobta laga wado Cusbitaalka guud ee Degmada Sabawanaag oo uu dhawaanta dhagax dhigay Suldaanka Guud ee Beelaha Bariga Hargeysa Iska markaasina ah Afhayeenka Dhaqanka Somaliland Suldaan Yuusuf Muxumed Xiiray
