BREAKING NEWS
Search
telesom_4g_webbann550x129er  Final-Group (1)

Baarlamaanka Puntland Oo Fadhi Ay Yeesheen Kasoo Saaray Go’aan Culus Oo Ka Dhan Ah Somaliland.

Golaha Wakiilada Maamul Goboleedka Soomaaliyeed ee Puntland ayaa kulan ay ku yeeshen caasimada Puntland ee Garoowe Shalay waxay meel-mariyeen go’aan ka dhan ah Dawladda Somaliland.

Golaha ayaa gebi ahaanba mamnuucay in deeganada maamulka Puntland la keeno Kontenarada badeecadaha ku jira ee laga soo dejiya dekedda Magaalada Berbera ee Somaliland.

Xildhibaanada Golaha ayaa Konteenaradaasi ku sheegay inay curyaamin ku yihiin wax soo saarka dekeda Boosaaso oo iyadu laf dhabar u ah ganacsiga Puntland.

Go’aankan ay xildhibaanadu ku meel-meriyeen inay mamnuuceen konteenaradaasi ayaa waxa uu daba socda talaabooyin hore oo maamulka Puntland ku soo rogay badeecadaha uga imaada dhanka Somaliland.

Wasaarada Maaliyada Puntland ayaa iyaduna hore u shaacisey inay canshuuraad dheeriya ku soo rogtay badeecadaha ka soo gala dhinaca Somaliland.

Puntland iyo Somaliland ayaa muddo badan waxa ka dhaxeeyay muran xuduudeed dagaalo badan oo dhiig ku daatay sababay, balse talaabooyinkan ayaa muujineya dagaal cusub oo dhanka ganacsigana uu ka dhex qarxay labadan Maamul.

282 total views, no views today

Comments

comments




Plugin from the creators ofBrindes :: More at PlulzWordpress Plugins