telesom_4g_webbann550x129er  Final-Group (1)

Madaxweyne Ku-xigeenka Oo Qaabilay Wafdi Ka Socda Dalalka Ku Bahoobay Ka Hortagga Xanuunnada Faafa (African Field Epidemiology Network “AFENET”) Iyo Somaliland Oo xubin ka Noqotay 31-ka Dal Ee Ku Midoobay.

Taariikh:07 /07/2018

WAR-SAXAAFADEED

Madaxweyne Ku-xigeenka Oo Qaabilay Wafdi Ka Socda Dalalka Ku Bahoobay Ka Hortagga Xanuunnada Faafa (African Field Epidemiology Network “AFENET”) Iyo Somaliland Oo xubin ka Noqotay 31-ka Dal Ee Ku Midoobay.

Madaxweyne-ku-xigeenka Somaliland, Mudane Cabdiraxmaan Cabdilaahi Ismaaciil (Saylici), ayaa xafiiskiisa ku qaabilay wafdi ballaadhan oo ka socda qaar kamida dalalka afrika ee ku bahoobay urur ka hor tagga xanuunada faafa  oo uu hoggaaminaayey Dr.Simon Antera.

Waxaana ay wafdigu madaxweyne ku-xigeenka u sheegeen in Somaliland loo aqoonsaday inay xubin ka noqoto 31 waddan oo ku midoobay  la dagaalanka xanuunada faafa, taasi oo ay jamhuuriyadda Somaliland qayb ka noqotay isla maanta.

Wasiirka Caafimaadka Somaliland Dr. Xasan Ismaaciil Yuusuf, ayaa ku dheeraaday dadaalka ay ka wasaarad ahaan ugu jiraan sidii ay Somaliland qayb uga noqon lahayd inta badan waddamada iska kaashada  horumarinta caafimaadka.

Madaxweyne ku-xigeenka jamhuuriyadda Somaliland ayaa wafdigani iyo dalalka ay ka socdeen ee Afrika uga mahad celiyay garashadooda ah inay Somaliland ku daraan 31 dawladood ee ku midoobay ka hor-tagga iyo la-dagaalanaka xanuunada faafa oo bulshada Afrika fara-baas ku haya,waxaanu madaxweyne ku xigeenku sheegay in Somaliland uga baahantahay Afrika gacan weyn oo ay ku garab istaagayaan qaddiyadda kamid ahaanshaha dunida ee Somaliland.

Wafdiga ayaa ballan qaaday inay dalalkooda iyo kuwa Afrika ee kaleba ay ka dhaadhicin doonaan waxa ay Somaliland ku soo arkeen oo ay ugu horrayso nabad-galyada iyo dawladd wanaaga.

ALLAA MAHAD LEH

 Maxamuud Warsame Jaamac

Af-hayeenka Madaxweynaha JSL.


— 

 

Naasir Yuusuf Daahir

Director of the Presidential Media Department

Hargeisa – Republic of Somaliland

Line: 518390

399 total views, 0 views today

Comments

comments




Plugin from the creators ofBrindes :: More at PlulzWordpress Plugins