Madaxweyne Silaanyo Oo Ka Qaybgalay Aaska Marxuum Dr Maxamed Macalin Cismaan oo Hargeysa lagu aasay Tacsina waxa uu u diray Shacbiga iyo Qoyskii uu ka maxay Marxuumku
TACSI MADAXWEYNE -16/12/2016
IN-NAA LILLAAHI WA IN-NAA ILAYHI RAAJICUUN
Madaxweynaha Jamhuuriyadda Somaliland, Mudane Axmed Maxamed Silaanyo Isagoo ku hadlaya magaciisa, kan dawladda iyo ka shacbiga Somaliland waxa uu tacsi tiraanyo leh u dirayaa, waxgaradka, waayeelka, aqoonyahanka, qoyskii, eheladii, qaraabadii, asxaabtii, iyo shacbiga Somaliland ee uu ka baxay ALLA ha u naxariistee Marxuum Dr. Maxamed Macalin Cismaan oo ku geeriyooday maanta oo ay taariikhdu tahay 16.12.2016 magaalada Hargeysa, laguna aasay.
Madaxweynaha oo ka qaybgalay Aaska ayaa ku sifeeyey Marxuum Muwaadin door muhiima ka soo qaatay dib u dhiskii iyo nabad kuwada noolaanshaha shacbiga Somaliland, kana mid ahaa dadkii wakhtigooda u huray sidii shacbigani u noqon lahaa mid madaxbanaan, taariikh ma guurto ahna ku dhex lahaa bulshadiisa.
Madaxweynuhu waxa uu marxuumka ALLE uga baryayaa inuu naxariistii janno ka waraabiyo waxgaradka, waayeelka, aqoonyahanka, Qoyskii, Qaraabadii, Eheladii, Asxaabtii iyo Shacbiga Somaliland ee uu ka baxayna samir iyo iimaan saadiqa ka siiyo.
IN-NAA LILLAAHI WA IN-NAA ILAYHI RAAJICUUN
Xuseen Aadan Cige (Deyr)
Af-hayeenka Madaxtooyada JSL.