Nuxurka Qodobo Laga Saaray Shire Beeleed ka Socday Deegaanka Qalloocan Ee Gobolka Togdheer
Burco(Warsugannews):-Waxa deegaanka Qalloocan ee gobolka Togdheer lagu soo gaba gabeeyey shir dhaqameed ay yeelataybeesha Ibraahin Sheekh Isaxaaq(Sanbuur).
Shirkan oo mudooyinkii ugu danbeeyey ka socday deegaanka ayaa maanta la soo gaba gabeeyey isla markaana laga soo saaray qodobadan.
SHIRWEYANAHA BEESHA IBRAAHIM SHEEKH ISXAAQ
Qodobada ka soo baxay shirweyanaha beesha Ibraahim Sheekh Isxaaq kaas oo ka qabsoomay magaalada Qalloocan ayaa kala ah
1. Beeshu waxay go’aansatay taabbo-gelinta iyo ku-dhaqanka diinta Islaamka
2. Beesha Ibraahim Sheekh Isxaaq waxay si buuxda u ayidaysaa in jiritaanka Somaliland yahay lama taabtaan.
3. Beeshu waxay isku raacday horumarinta degaammadeeda sida; caafimaadka, waxbarashada, biyaha iwm.
4. Waxay beeshu xoojinaysaa nabadgelyada isla markaana ugu baaqaysaa xukuumadda iyo beelaha Somaliland, adkaynta nabadgelyada iyo in laga foojignaado meelna looga soo
wada jeesto cid kasta oo wax yeellaynaysa.
5. Sidii caadada u ahayd, beeshu waxay xoojinaysaa in ay kula dhaqanto dhamaan beelaha kale ee Somaliland deriswanaag iyo walaaltinnimo.
6. Beeshu waxay go’aansatay in ay doonato mansabyada ay xaqa u leedahay ee heer qaran, heer gobol iyo heer degmoba
7. Waxay beeshu ugu baaqaysaa xukuumadda, beelaha Somaliland iyo hay’adaha ay khusaysoba in la ilaaliyo degaanka lagana hortago wax kasta oo dhibaato ugeysan kara sida; gubista, goynta dhirta iwm.
8. Beeshu waxay ka soo horjeeddaa in si gaar ah loo ooto dhulka xoolo-daaqeenka ah ee ka dhexeeya bulshada.Chief Caaqil Axmed Xasan Saliid oo ka mid ah Cuqaasha beelaha Sanbuur wayne oo ka warramay baahiyaha deegaanada beesha ayaa sheega y inu xukuumaddu ka habsaantay wax ka qabashada deegaanada beesha isla markaana aanay helin adeegyo caafimaad, waxbarasho IWM.
Warsugannews
warsuganmedia@gmail.com