telesom_4g_webbann550x129er  Final-Group (1)

War-Murtiyeed: Ka Soo Baxay Kulankii Madaxweynaha JSL, Hoggaanka Axsaabta Qaranka, Madaxweyne Ku Xigeenadii Hore, Siyaasiyiinta Iyo Madaxda Ururrada Bulshada Rayidka Ah + Sawiro

 

Hargeysa(SL)WAR-MURTIYEED: 16/12/2018-Madaxweynaha Jamhuuriyadda Somaliland, Mudane Muuse Biixi Cabdi, oo uu wehelinaayo Madaxweyne ku xigeenka Somaliland, Mudane Cabdiraxmaan Cabdilaahi Ismaaciil (Saylici), ayaa caawa kulan muhiima la qaatay hoggaanka axsaabta qaranka, madaxweyne ku xigeenadii hore, siyaasiyiin iyo madaxda ururrada bulshada rayidka ah.

 

kulankan  uu madaxweynuhu isugu yeedhay axsaabta qaranka, madaxweyne ku xigeenadii hore iyo ururrada Bulshada rayidka ah, ayaa ujeedadiisu ahayd sidii wada-jir iyo isku duubni loogu wajahi lahaa arrimaha ku gedaaman qabsoomidda doorashooyinka goleyaasha wakiillada iyo deegaanka, waxana ay hoggaanka axsaabta qaranku muujiyeen muhiimadda ay leedahay qabsoomidda doorashooyinku si loo xaqiijiyo geeddi-socodka Dimuqaariyadda  Somaliland iyo in meesha laga saaro caqabadaha hortaagan qabsoomidda doorashooyinkaas, isla markaana lagu diyaarin lahaa jawi ay doorashooyinku ku qabsoomi karaan.

 

Ugu dambayntii waxa ay hoggaanka saddexda xisbi ee UCID, KULMIYE iyo WADDANI   wada jir  u go’aamiyeen qodobbadan hoos ku qoran:

 

  1. In doorashada goleyaasha wakiillada iyo deegaanku ku qabsoonto dhammaadka sannadka 2019-ka.

 

  1. In si wada-jir ah ay uga wada-hawl galaan xallinta iyo dhammaystirka wax kasta oo ku xidhan qabsoomidda doorashada.

 

  1. In si niyadsami ah loo sii wado wada-tashiga iyo wada-hadallada saddexda guddi ee xisbiyada qaranka.

 

  1. In wixii caqabad ah ee soo kordha laga wada-tashado.
    1. In wixii caqabad ah ee soo kordha laga wada-tashado.

    ALLAA MAHAD LEH

     Maxamuud Warsame Jaamac

    Af-hayeenka Madaxweynaha JSL.

119 total views, no views today

Comments

comments




Plugin from the creators ofBrindes :: More at PlulzWordpress Plugins