Marwo Aamin-weris Sheekh Maxamed Jirde OO hadalo dhaxal gal ah ka jeedisay Munaasibad lagu soo bandhigay Agab DHH keentay”Runtii arrinta halkan ka dhacday waa wax lagu farxo. Soomaalidu waxay tidhaa “ huggaaguna wuu kula baryo tagaaye,”

Marwo Aamin-weris Sheekh Maxamed Jirde OO hadalo dhaxal gal ah ka jeedisay Munaasibad lagu soo bandhigay Agab DHH keentay”Runtii arrinta halkan ka dhacday waa wax lagu farxo. Soomaalidu waxay tidhaa “ huggaaguna wuu kula baryo tagaaye,”

Hargeysa(Warsugannews)Marwada koowaad ee Madaxweynaha Qaranka Somaliland Marwo Aamin-weris Sheekh Maxamed Jirde oo ka mida Gudida Bilicda Caasimada Somaliland ayaa ka hadashay Agabka Tirada Badan ee ay Dawladda Hoose ee Hargeysi keentay waxaanay marwada Qaranku tidhi “Runtii arrinta halkan ka dhacday waa wax lagu farxo. Soomaalidu waxay tidhaa “ huggaaguna wuu kula baryo tagaaye,” Hargeysa waa caasimadii Somaliland, Hargeysa quruxdeeda, bilicdeeda, nadaafadeeda iyo habka ay u samaysan tahay waa waxaynu ku faanayno oo sharafteena, gobonnimadeena iyo Ictiraafkeena soo dedejin karta,” ayay tidhi Marwo Aamina Waris.

Marwada oo hadalkeeda sii wadata ayaa aad ugu mahadcelisay Maayarka, maayar xigeenka iyo hawlwadeennada dawladda hoose ee Hargeysa oo ay ku ammaantay qalabkan dhismaha wadooyinka wax weyn ka tari doona “Waxaynu sugnaaba waa Hargeysa oo caasimadaha adduunka la tartanta, oo quruxdeeda iyo nadaafaddeeda aynu ku faanno. Guddidan aan ka mid ahay ee bilicda Caasimaddu marka aanu shirayno waxa ugu weyn ee qalbigayaga ku jiraa waa dadka ku nool caasimadda; xanaftu inteebay leeg tahay? sidee wax u gaadhayaan? Waayo qofka muddo meel fadhiyay eed tidhaa “Caasimada quruxdeedu sidan kuma jirtee ka kac isagoo jecel in caasimadu qurux badnaato iyo in dalka wax u kordhaanba, haddana wuxuu qiimaynayaa barakaca ku dhacaya,” ayay tidhi Marwadu.

Waxay bulshada ugu baaqday inay horumarinta caasimadda ka qayb qaataan, si loo haggaajiyo bilicda caasimada “Shacabka waxaan leeyahay dalkiinna qurxiya, waa in dadku markay yimaadaan yidhaahdaan “Hargeysa ayaanu tagnay oo waxay caasimadaha adduunka ka hoosaysaa ma jirto” taasina gacmo wada jir bay wax ku gooyaane ilaa aynu dawlad iyo ummadda Somaliland ba gacmaha is qabsadaan inooma suuro galayso. Waa wax inoo wada yaal, wax qof kaliyi qaban karo maaha, waxaanu idinka baryaynaa dadka reer Somaliland-now yar iyo weyn ba inaad arrintaas nagu garab gashaan oo dawladda hoose ku garab gashaan, hawl aad iyo aad u muhiim ah ayay hayaan, wayna dadaalayaane aynu la wada shaqaynno.”