waaxa qoreya yaasir br
Xiddiga garabka kaga duula Crystal Palace ee Wilfried Zaha ayaa si rasmi ah uga mid noqday xulka qaranka Ivory Coast iyadoo ay jirto inuu labo kulan u saftay xulka Qaranka Ingiriiska.
Saha ayaa lagu wadaa inuu kulankiisii ugu horreeyay u safto xulka ka soo jeeda qaarada Madoow koobka African Cup of Nations ee lagu qabanayo Gabon, wuxuuna ka maqanaan karayaa kooxdiisa muddo bil ah.
24-jirka ayaa ku dhashay caasimada Ivory Coast ee Abidjan, balse wuxuu u soo dhaqaaqay Ingiriiska isagoo 4-jir ah.
Intaa kaddib wuxuu u saftay xulka waa waynka Ingiriiska kulan ay la yeesheen Sweden 2012-kii, ka hor intuusan safan kulankii ay la yeesheen Scotland sanad kaddib.
Laakiin maadaama ay labada kulan ahaayeen kuwa saaxiibtinimo iyadoo ay xitaa jirto inuu 13-kulan u saftay xulka 21-jirada Ingiriiska ayuu misane weli awooday inuu ku biiro xulkiisa hooyo waayo wuxuu heystaa Baasaboor Ivory Coast ah.
Zaha ayaa iminka lagu wadaa inuu kulankiisii ugu horreeyay u safto xulkiisa 16-ka Janaayo kulan ay ku wajahayaan xulka Togo, ka hor inta aysan wareega group-yada isku arkin DR Congo iyo Morocco.