Weftigii Imaaraadka oo Dalka Ku soo Laabtay kana hadlay Waxyaabihii u qabsoomay ka Dib Heshiiskii Saldhiga Berbera + Soo Dhawayn ay kala kulmeen Dadka ku dhaqan Caasimada
Hargeysa(WSN)Weftigii Uu Hoggaaminayey Madaxweyne ku xigeenka Jamhuuriyadda Somaliland Mudane Cabdiraxmaan Cabdilaahi Ismaaciil (Saylici) eek u sugnaa maalmahan Imaaraadka Carabta, saxeexayna heshiiskii Saldhiga Berbera ayaa saaka subaxnimadii hore ku soo laabtay dalka iyadoo si balaadhan loogu soo dhaweeyey caasimada Somaliland Hargeysa.
Waxaanay saxaafada kula hadleen barxada hore ee garoonka Diyaaradaha Egal International Airport, waxaana lagu waydiiyey su’aalo dhawr ah, ka dibna waxay u soo baxeen dhinaca magaalada oo ay dadweyne aad u tiro badani ku sugayeen wadooyinka, si qiimo lehna u qaabiley weftiga, dadkaasi oo isugu jiray madaxda dhaqanka aqoonyahanka, dhalinyarada iyo qaybo ka mida bulshada caasimada, halka madaxweyne ku xigeenkuna uu dadkaasi u degay lugna ku dhex maray. Iyagoo ku dhaqaaqayay dadweynuhu ku soo dhawaada dalkiina hooyo waxad qaranka u horseedeen guulo midho dhal ah oo taarkhiidu xusi doonto iyo ereyo la mida
