Madaxweyne Silaanyo Oo waxgaradka iyo Shacbiga Somaliland ka Tacsiyadeeyey Geerida Marxuum Aadan Jaamac Cumar oo ku geeriyooday Burco Maanta kana hadlay Shaqsiyadii Marxuumka
TACSI MADAXWEYNE-20/10/2016- IN-NAA LILLAAHI WA IN-NAA ILAYHI RAAJICUUN
Madaxweynaha Jamhuuriyadda Somaliland, Mudane, Axmed Maxamed Silaanyo, isagoo ku hadlaya magaciisa iyo ka shacbiga Jamhuuriyadda Somaliland-ba waxa uu dhambaal Tacsi ah u dirayaa guud ahaan bulshada Somaliland, waxgaradka, waayeelka, aqoonyahanka, qoyskii, eheladii, qaraabadii iyo asxaabtii uu ka baxay Alle haw naxariistee Marxuum Aadan Jaamac Cumar oo ku geeriyooday magaalada Burco Maanta oo ay taariikhdu ahayd 20/10/2016. Lana aasi doono 21/10/2016.
Madaxweynuhu waxa uu Marxuumka ku sifeeyey Oday qaran oo ka baxay shacbiga iyo guud ahaan bulshada Somaliland, isagoo marxuumku ka mid ahaa odayaashii kasoo shaqeeyey nabad ku wada noolaanshaha shacbiga Somaliland ku dhaqan, kana mid ahaa waayeelka iyo waxgaradka gobolka Togdheer.
Waxaanu Madaxweynaha Qaranka Jamhuuriyadda Somaliland, si gaar ah uga tacsiyadaynayaa geeridaas qoysaska reer Jaamac Cumar iyo Ilma Kaahin Axmed, waxaanu si gaar ah uga tacsiyadaynayaa Guddoomiye-ku-xigeenka kowaad ee xisbiga KULMIYE Maxamed Kaahin Axmed oo uu Marxuumku abtigii ahaa.
Madaxweynuhu waxa uu Marxuumka Alle uga baryayaa inuu naxariistii janno ka waraabiyo waxgaradka, waayeelka, aqoonyahanka, qoyskii, eheladii, qaraabadii, asxaabtii iyo Shacbiga Somaliland ee uu ka baxdayna samir iyo iimaan ka siiyo.
INNAA LILLAAHI WA INNAA ILAYHI RAAJICUUN
Xuseen Aadan Cige (Deyr)
Af-hayeenka Madaxtooyada JSL.