Bayern Munich ayeey musiibada ku sii balaaratay kadib amrkii la xaqiijiyay in xidiga qaab ciyaareedka fiican ku jira ee Franck Ribery iyo daafaca dhexe ee kooxdaasi ee Jerome Boateng ay seegi doonaan kulanka adag ee Champions League ee ay arbacada la ciyaari doonaa Arsenal.
Kooxda Bavarians ayaa rajeyneysay in labada xidig ay diyaar u noqdaan kulanka koowaad ee wareega 16 ka Champions league ee ka dhici doona Allianz Arena laakin kooxda Carlo Ancelotti ayeey qasab ku tahay iney ka maarmaan labadaan xidig iyadoo Ribery uu kalinimo u tababaranayo.
Warkaan ayaa u xun macalinka talyaaniga ah iyadoo garabkaan da’da ah uu kamid ahaa xidigaha qaab ciyaareedka ugu fiican ku jiray ee kooxda Bayern tan iyo markii uu dib u bilowday horyaalka Bundesliga kadib fasixii dheeraa ee qaboobaha.
Dhanka kale xaalada Xabi Alonso ayaanan kala cadeyn iyadoo saakay uu ka baxya tababarkii kooxdiisa ee kulanka Arsenal laakin uu markale dib ugu soo laabtay.