Mayor Cidin MASUUL CIDHIB TIRAY JAHLIGA
Waxbarashada: Waa furaha Nolosha, Aqoon la’aan waa iftiin la’aan waa aqal iyo ileys
Wadamada aadka ugu horumaray xaga aqoonta waxay gaadheen horumar balaadhan halka wadama aan laga danayn waxbarashada ay yihiin kuwa aad u danbeeya marka dhinac kasta laga eego. si la mid ah sidaas waxaa aad ku kala duwan dadka aqoonta leh iyo kuwa aan marna qiimayn waxbarashada.
Haddaba inagoo ka wada dharagsan in aqoontu tahay furaha guusha iyo horumarka (Key of Success and Development) waxa waajib inaga saaranyahay in aynu dhiiri gelino masuulka kaste oo ku heelan sidii uu bulshadiisa uga saari lahaa jahliga.
Haddaba Mayor Cidin waxaan ku amaanayaa kuna dhiirigelinayaa doorka uu ka ciyaaro waxbarashadda gobolka saaxil waxa xaqiiqo ah inuu barayaasha dugsiyada Hoose, dhexe iyo sareba ee degmada berbera ka hawl gala uu bil walba siiyo lacago gunooyin dhiirigelin.
Sidoo kale Mayor Cabdishakuur wuxuu Semester walba feega jaamacada ka bixiyaa badiba ardayda dhigata jaamacadaha ku yaala berbera waxaanu sanad walba soo saaraa arday badan oo jaamiciyiin.
Sidoo kale waxaan meesha ka madhnayn adeegyada horumarineed sida caafimaadka iyo fayo dhawrka wuxuuna si toos ah ula shaqeeya maamulka wasaaradda caafimaadka oo uu kala shaqeeyo sidii bulshada gobolka saaxil loo siin lahaa adeeg caafimaad oo dhamays tiran , dhisida jidad casri ah ayaa iyaguna ah waxqabadka Mayor Cidin intuu uu xilka hayay wuxuu sameeye wadooyin casri ah oo tayadoodu sareyso High Quality sidoo kale waxa dhinac socda inuu marmar dhigo hareeraha wadooyinka taasina waxaanay kor u qaaday bilicda magaalada, haddaba horumarkaa baahsan ee uu is garab wado mayor Cabdishakuur Cidin waxaan aad ula dhacay sida uu ugu heelanyahay dhiirigelinta waxbarashada , shaley Axadii ayay ahayd markii ardayda jaamacadda golis faraceeda berbera aan kala qaby galey xaflada qalin jebinta goobta loogu talo galey ayaa ahayd hoolka weyn ee maansoor berbera waxaan markhaati ka ahaa masuulka kaliyaata ee amaantiisa la iskaga daba maray uu ahaa Mayor Abdishakuur markaste oo magaciisu maqalbaahiyaha kasoo baxo waxa madasha is qabsanaayey sacab iyo mushxarad aan kala go, ayn ardayda iyo waalidiintooda ayaa ka dareen farxadeed ku qaabilay maayorkooga sidaasi darteed ayaa anigana igu kaliftey inaan maqaalkan qoro oo aan ka dareen celiyo bulshadana usoo bandhigo inuu mayor cidin wax badan oo aaynay mayorada la mid ah aanay u qaban bulshadooda uu isagu ku talaabsaday balan qaadyadiisiina ka dhabeeyey.
Maayarada degmooyinka kale waxay awooda saaran oo kaliya qurxinta, bilcda iyo jidad cusub oo ay sameeyaan, balse dhisida garaadka iyo caqliga bulshada oo kora ayaa ka muhiimsan wax walba, bulsho tacliinleh ayaa horumar soo kordhin karta, horumarkuna wuxuu ka yimaadaa bulshada maskaxo garaad aqooneed leh oo iskaashaday ayaa sameeya horumar , ubadkeena intaynu calooshooda cunto ku gurayno waxa ka muhiimsan inaynu caqligooda kaabno aqoona ka dhargino.
Taariikhdu waa shay dunida laga tix raacaaye
Tagto iyo middii taagan iyo tan nagu soo fool leh
Sadexdaba dadbaa tebiya oo laga tibaax daaye
aqoonyahanku waa tiirka aan tahan ku gaarnaaye
Tacaliin haddii aanay jirin tacadi sow maaha
Tegnaaloojigaad aragtay oo lagu taxaashaayo
Telefoonka iyo taararkiyo weliba tiifiiga
Waxa aalad lagu taba bartoo nolosha taabaya
Aqoonyahan tijaabiyay ayaa tiigsadoo helaye
Tacalliin haddii aanay jirin tacadi sow maaha
Tafsiirkiyo quraan iyo xadiis toobad lagu raadsho
Taajkiyo riyaadkiyo kitaab diinta nagu toosin
Tiirkii islaamkiyo sharciga nalaku taageeray
Aqoonyahanka soo tabiyaybaa taabay oo wadaye
Tacaliin haddii aanay jirin tacadi sow maaha
Tifaf tiraha weriyaha ah oo meel walababa taagan
Tiifiiga iyo raadiyaha wararka teeleeya
Tixda gabayga heesaha tashiga iyo is taageerka
Aqoon yahanku tiirkuu muday taagsanahayaane
Tacalliin haddii aanay jirin tacadi sow maaha
Tartankiyo adduunkaan ku jira tabac usoo saarka
Hubka toogashada iyo biraha togaya liishaanka
Beeraha turaabtaa kabadan dalaga noo tuuran
Aqoonyan tijaabadi ayay ugu tis qaadeene
Tacaliin hadii aanay jirin tacadi soow maaha
Tawstiyo xanuunada jiroo taranka aafeeya
Tabartaada oo liidatiyo taaha kugu raagay
Takhtar kaa daweeyaa jiroo taabled kuu qirine
Aqoonyahanku tacab buu ka maray wuuna tiigsadaye
Tacaliin haddii aanay jirin tacadi sow maaha
Qalinkii Ciise Cali Haybe
Berbera/Somaliland