Gobolka Laascaanood oo maalmihii u danbeeyey lagu qabtay Mukhaadaraad kala duwan iyo Eedaysanayaal loo qabqabtay.
Laascaanood(Warsugannews) waxa maalmihii u danbeeyey gobolka sool ama magaalo madaxdiisa laascaanood lagu dabajiray mukhaadaraad ay ka mid yihiin khamri iyo Maandooriyeyaal kale, nasiib wanaagse waxa laba maalmood oo maalin uun u dhaxayso gacanta lagu soo dhigay Eedaysanayaal iyo Khamri tiro badan oo lagu qabtay gudaha magaalada laascaanood.
waxaana iska kaashaday ciidanka Booliska ee Saldhiga dhexe iyo Qaybaha bulshada oo ay wehelinayaan culimo awdiinka iyo waxgaradka gobolku, iyaga oo taageero ka helaaya gudoomiyaha gobolka sool iyo taliyaha Ciidanka booliska ee Gobolka.
Taariikhdu markay ahayd 06/09/2015 waxay ciidanka boolisku gacanta ku dhegeen dad eedaysanayaal ah oo lagu qabtay khamri tiro badan Halka 08.09.2015 na ay sidoo kale gacanta ku soo dheeg khamri iyo eedaysanayaal, tan ayaa ah talaabo wax ku ool ah oo ay hore u qaadeen bulshada iyo maamulka gobolka sool kuna badbaadinayaan shacbiga gobolka ee dhibta kala kulma kuwa sarkhaamay ee denbiyada ka geysta gudaha gobolka.
ugu danbayn Gudoomiyaha Gobolka Sool Yaasin X oo aanu wax ka waydiinay ayaa noo xaqiijiyey qabashada khamriga tirada badan iyo eedaysanayaasha waxaanu u mahadnaqay cid kasta oo gacan ka geysatay soo qabashada dembiileyaashan isagoo ku booriyey shacbigu inay booliska ka taageeraan kuwa dhibta iyo fusuqa ka dhex wada gobolka.
warsugannews
Warsuganmedia@gmail.com
Laascaanood