Gudoomiye ku xigeenka Xisbiga WADDANI Md.Axmed Mu’min Seed ayaa maanta kullan balaadhan oo ay ardayda Cusub Ee Sannadkan galaysa Jaamacadda Camuud ku qabsadeen Hoolka weyn Ee Hotel Haldoor Boorama.
Boorama(Warsugannews)Furitaankii Munaasabadan ayaa ugu horeyn waxaa ka hadlay Gudoomiye ku xigeen Axmed Mu’min Seed waxa uuna ardaydii munaasabadan ka soo qayb gashay kula dardaaramy inay waxbarashada Sii xoojiyaan si ay u xaqiijiyaan Himiladooda Mustaqbalka Dhaw iyo kan dheer,waxa kale oo uu gudoomiye Seed Sheegay in waxbarashadu u baahantahay Samir ,Dulqaad iyo dadaal Badan si qofku u gaadho hadafkiisa.
Ugu Danbayn Gudoomiye Seed waxa kale uu uu ardaydaas u sheegay in isbadalkii dhaw yahay ka xisbi ahaana marka ay Xukunka qabtaan ay muhiimada ugu horeysay ka dhigayaan sidii dhalinyarada Aqoonyahanka ah loogu Samayn lahaa Shaqo abuuris aysan qabyaaladi la socon oo qof walba aqoontiisa ku ciil bixi doono,waxa kale oo uu gudoomiye Seed kula dardaarmay inay iska ilaaliyaan Tahriibka iyo mukhaadaraadka kuna dadaalaan Cilmiga ay barayaan iyo cibaadada Eebe Subxaanahu Watacaalaah.
Sidoo kale waxaa isna halkaas hadal soo dhawayn iyo dhiiri galin ka soo jeediyay Gudoomiye ku xigeenka Jaamacadda Camuud Prof. Diiriye iyo Mas’uuliyiin kale oo ka tirsan Jaamacadda iyo marti sharaf kale.
Boorama-Somaliland