Maxkamadda Caalamiga ah ee Dambiyada waxay Jimcihii u doorteen Karim Khan oo reer Britain ah dacwad oogaha cusub ee muddo sagaal sanno ah.
Khan ayaa ka guuleystay codbixin qarsoodi ah seddex musharax oo kale si loogu badalo dacwad oogaha hogaamiyaha Fatou Bensouda.
Maxkamadda fadhigeedu yahay magaalada Hague oo ka kooban 123 xubnood, oo shaqada bilawday ku dhowaad 20 sanno ka hor, waxa ay gacanta ku haysaa dambiyada dagaal, dambiyada ka dhanka ah aadanaha, xasuuqa iyo dambiyada gardarada ah.
Garyaqaanka reer Ingiriis Karim ayaa caan ku ah inuu madax u noqdo kooxda baadhitaanka gaarka ah ee Qaramada Midoobay ee baadheysa dambiyada dowladda Islaamiga ah ee Ciraaq.
Intii uu ku jiray xirfadiisa sharciga ee 27 sanno Khan, oo sidoo kale ah Queens Counsel, wuxuu u shaqeeyay ku dhowaad maxkamad caalami ah oo kasta oo dambiilayaal ah doorka dacwad qaadista, difaaca iyo lataliyaha dhibbanayaasha. Marka laga hadlayo ICC Khan wuxuu caan ku yahay inuu noqdo hoggaamiye qareen difaaca oo ka soo shaqeeyay kiisaska Kenya, Sudan iyo Libya.
Waxaa jiray loolan siyaasadeed oo xoog leh oo loogu jiray shaqada ugu sareysa ICC xili si aad ah loo baadhay xafiiska xeer ilaaliyaha.
Maamulkii madaxweynihii hore ee Mareykanka Donald Trump ayaa cunaqabateyn saaray sannadkii hore shaqaalihii maxkamada oo ay ku jirto Bensouda taas oo salka ku heysay baadhitaano xafiiskeeda uu ku sameeyay dambiyo dagaal oo laga yaabo inay ka dhacaan Afghanistan, oo ay ku jiraan ciidamada Mareykanka. Mareykanku xubin kama aha maxkamadda.
Maamulka cusub ee Madaxweynaha Mareykanka Joe Biden ayaa “si buuxda dib u eegis ugu sameyn doonaa” cunaqabateynta saaran saraakiisha ICC, afhayeen u hadlay Waaxda Arrimaha Dibadda ayaa sheegay bishii la soo dhaafay.
Kadib usbuucii la soo dhaafay maxkamaddu waxay sheegtay inay awood u leedahay dembiyada dagaal ee ka dhacay dhulalka Falastiin, taasoo u horseedi karta baadhitaan ay si adag uga soo horjeedaan xubnaha aan ka tirsaneyn ICC-da ee Israa’iil iyo Mareykanka.
Mid ka mid ah go’aannada ugu horreeya ee Khan wuxuu noqon karaa haddii la sii wado baaritaan buuxa oo ku saabsan dhulalka Falastiiniyiinta, halkaas oo Bensouda ay sheegtay inay jirto sabab macquul ah oo lagu soo gabagabeeyo dambiyada dagaal ee laga yaabo inay galeen labada ciidan ee Israa’iil iyo kooxaha hubeysan ee Falastiin.