Madaxweynaha ayaa kulan balaadhan la qaatay Isu-duwayaasha laamaha kala duwan ee Gobolka togdheer + Sawiro
Burco(Warsugannews)Madaxweynaha Jamhuuriyadda Somaliland Mudane Axmed Maxamed Siilaanyo oo ku guda jira safarkii shaqo ee uu ku joogay gobolka Togdheer ayaa kulan balaadhan la qaatay Isu-duwayaasha laamaha kala duwan ee Dawladda.
Kulankan oo ujeedadiisu ahayd sidii uu madaxweynuhu ugu kuurgeli lahaa xaalada guud ee gobolka ka jirta awgeed ayuu isugu yeedhay dhammaan isu-duwayaasha, waxaana kulankan soo qaban qaabiyey oo door muhiima ka qaatay Gudoomiyaha Gobolka Togdheer Maxamed Ibraahim Aadan Qabo, oo ay wehelinayaan maamulka gobolka iyo Xubno muhiima oo ka mida golaha wasiirada.
kulankan oo ahaa mid lagu soo qaaday arrimo dhawra oo gobolka waxtar u leh ayaa waxa ka war bixiiyey Afhayeenka Madaxweynaha Qaranka Mudane Xuseen Aadan Cige (Xuseen Deyr) oo saxaafada gobolka kula hadlay barxada hore ee Guriga Martida.
