by YAASIR BR
Macalinkii hore kooxda Inter Milan Roberto Mancini ayaa iska diiday leylinta shaqada xulka qaranka ingiriiska oo lala xiriiriyay mudooyinkii u danbeeyay, waa sida ay xaqiijinayaan wararka laga helayo gudaha dalka Egland, xili macalinkan uusan wax shaqo ah uusan gacanta ku heyn, kadib ka tagistiisii kooxda Inter Milan.Xiriirrka kubada cagta dalka Egland FA-ga ayaa shaqada ka ceyriyay macalinkii hore ee xulka Egland Sam Allardyce kadib markii lagu helay musuq maasuq ku aadan dhanka suuqa kala iibsiga ee ciyaaryahanada.
Roberto Mancini ayaa wuxuu qeyb ka ahaa qabashada xulka Egland oo haatan uu si ku meel gaar ah uu u hayo Gareth Southgate, balse xiriirka ayaa wuxuu suuqa ka raadinayaa cida uu ku aamini lahaa shaqada xulka Egland.
Mancini ayaa si wayn loola sii xiriiriyay shaqada xulka ingiriiska kadib markii FA-gu ay ku marti qaadeen kulankii u dhexeeyay Malta iyo xulka ingiriiska ee isreeb reebka koobka aduunka ee 2018, balse macalinka reer Talyaani ayaa daboolka laga qaaday inuu iska diiday qabashada xulka Egland.