Soddon Maalmood iyo Sideetan Meelood ,, , Xoghayaha Golaha Wasiirrada JSL ahna Xoghayaha Guddida Taakulaynta Abaaraha Sharmaake Geelle oo si hufan uga Warbixiyey Bil kadib markii guddida la magacaabay iyo wixii u qabsoomay
Hargeysa(Warsugannews)Maanta oo kale mudo bil ah kahor Madaxweynaha JSL isagoo ka jawaabaya qaylo dhaanta kasoo yeedhay shacabka JSL ee ku aadan abaaraha ayuu 13/02/2016 digreetu madaxweyne oo sumadeedu tahay JSL/M/MG/083-3825/022016 ku magaacabay guddi heer qaran ah oo isku xil saara qaadhaan ururinta iyo qorshaynta taakulada la gaadhsiinayo dadka tabaalaysan.
Haddaba, guddida oo ka jawaabaysa masuuliyada culus ee guudkooda la saaray ayey bilaabeen xog ururin degdeg ah oo ku aadan qiimaynta dhabta ah ee abaarta dalka ka jirta iyo deegaamada ay halista badan ku hayso iyagoo mid walba eegayey mudnaanteeda koobaad.
Guddida, ayaa baadhitaan dheer kadib si dhab ah u xaqiiqsaday in abaartu tahay mid baahsan oo qayladu dhan walba kasoo yeedhayso isla markaana deegaamada Galbeed iyo Sanaag barii yihiin meelaha xaalufka iyo xoolo la’aantu ka taagan tahay
Guddidu iyagoo isticmaalayaa xog ururintii ay sameeyeen hay’adaha kala duwan ee dalka iyo xogaha kale ee lagu kalsoonaan karaba waxay isla garteen in ugu yaraan 150,000 “Boqol iyo Konton kun” oo qoys ay samaysay abaarta xiligan dalka ka taagan taasoo la macno ah in hadii celcelis ahaan qoyskii laga soo qaado 6 qof ay noqonayso in ku dhawaad 1,000,000 “Hal Milyan” oo qof la il daran yihiin abaar ba’an oo xoolo iyo xeeladba tirtay.
Tirada intaas leeg ayaa ka dhigaysa abaarta xiligan taagan mid dalka wada gaadhay iyadoo deegaamo badan kasoo hayaamisay dad iyo duuniyo wixii degganaa
walaw baahida deegaamadu kala daran yihiin isla markaana ay kala jiraan mudnaan dhinaca xadka abaartu gaadhsiisan tahay ah hadana waxaa muuqata in doorkan duco iyo dedaal badan loo baahan yahay si dadkaas loo garab joogsado.
Maaha oo kaliya dhibaatada abaartu keentay biyo la’aan balse waxaa muuqanaysa baad la’aan iyo xaaluf lasoo darsay xoolihii noolaa oo ka dhigaya in ay raxan raxan ugu leedaan omoska iyo oomanaha degaamadii ay rug ahaan joogeen.
Isku soo wada duuboo, guddida oo dedaal hadh iyo habeen ah heegan ugu jirta in shilinkii ay helaanba kusii hawl galaan maadama Dhicisku inta birta loo soo sito kasii bakhtiyo, ayaa bilaabay in ay qorsheeyaan meelaha ay ka filan karaan in gargaar kasoo gaadho iyagoo ka dhigay
Dawlada “Saddexda Golle Qaran, Shaqaalaha, Ciidanka”
Ganacsatada
Shacabka reer Somaliland
Mucaawinooyin ka yimaada dalalka carabta iyo caalamkaba
Qurbojoogta
Ardayda Jaamacadaha iyo Dugsiyada Sare
Waxaa wax illaahay loogu mahadnaqo ah in dhan walba kaga jawaabay baaqii guddida dhago nugul iyo qalbi dabacsan isla markaana bilaabeen in ay soo xareeyaan wajigii koobaad ee deeqihii laga filayey ah
Haddaba, Guddida oo aan isla sugayn waxa soo xaroonayaa maadama daqiiqad walba dad iyo duunyo dunida gaajo kaga baxayaan ayaa bilaabay in ay gaadhsiiyaan deeqaha deegaamada galbeedka fog iyo barriga fog oo aan imika kahor laga soo bilaabi jirin deeqaha. waxaanay deeq raashin ah gaadhsiiyeen deegaanada hoos yimaada galbeedka fog iyo barriga fog oo kala ah sida shaxdan ku cad
| Deegaamada Galbeedka | Deegaamada Barriga |
| Gargooray | Badhan |
| Xaliimaale | Hadaaftimo |
| Dhagaxa-Madaw | Midigaale |
| Weeraar | Cawsane |
| Fiqi Aadan | Rad |
| Wada-jir | Haylaan |
| Xuseen | Xobeen |
| Ceel baxay | Ceel Bu’a |
| Arooseel | Habarshide |
| Habaas | Midhicir |
| Cabdiqaadir | Caad-saaran |
| Jidhi | Dhahar |
| Laanta-morohda | Bali-boosle |
| Ceel-gaal | Booraan |
| Daba-dilaac | Baraagaha Qol |
| Sheekh Awaare | Boodacad |
| Abase | Xiin-galool |
| Sibaayo | |
| War-idaad | |
| War-dheer | |
| Tawakal | |
| Dharkayn | |
| Jiingada | |
| Damale-xagare | |
| Shimbiraale | |
| Dawaco | |
| Daarasalaam | |
| Yubbe | |
| Carmale | |
| Ceeldheer |
Guddida ayaa sidoo kale deeqo mucaawinooyin ah gaadhsiiyey deegaano kamida gobolka Awdal oo ay kamid yihiin
Tuli, Sh. Nuur, Jaarahorato, Magaalo Cad, Geed Diqsi, Goroyocawl, Holhol, Abu Qays
Waxaa sidoo kale maalmahan la gaadhsiin doonnaa deegaanada ay kamidka yihiin
Jirjir, Qulujeed,, Boon, Xeego, Xamarta, Hadhawanaag, Fadhixun, Carowareen
Intaas oo kaliya maaha ee waxaa sidoo kale kaalmo ka kooban 11-gaadhi oo raashin ah la gaadhsiiyey deegaanada ku teedsan xeebaha gobolka Awdal oo ay ugu deeqeen dalka Jabouti
Deegamadaas oo kala ah:
1- Zaylac
2- Riiga
3- Aashacado
4- Ceel gaal
5- Geerisa
6- Xoog faras
7- Fardo lagu xidh
8- Sheed Dheer
9- Gab
10- Garbo-dadar
11- Gargaara
12- Teeb
13- Toora-boora
14- Cadaado
15- Damasha
16- Karuura
17- Kalowle
18- Garaaca
19- Osoli
20- Lughaya
21- Cabdi Geedi
22- Ceel la helay
Waxaa iyagana raashin mucaawino ah la gaadhsiiyey deegaanada:
Yiroowe,
Yagoori,
Kalabaydh,
Yayle, ,
Balidhiig ,
Duruqsi,
Widhwidh
Sidoo kalena waxaa si habsami ah u socda raashin mucaawino ah oo la gaadhsiinayo deegaanada ku teedsan Gabiley iyo gobolka Maroodijeex oo maalmahan si dardar leh u socda
Intii ay socotay gaadhsiinta deeqihii laga soo ururiyey dawlada, ganacsatada iyo guud ahaanba dadka muxsiniinta ah ayaa waxaa dhankooda dhawaaqan qaylo-dhaanta ah bilaabay in ay kasoo jawaabaan dawladaha Imaraadka Carabta iyo Sucuudiga iyagoo qalab ceelasha mishiin la’aanta u fadhiistay lagu kiciyo iyo raashin-ba ugu deeqay dadkaas abaaraha la ildaran.
Daawanayoow waa Dadkaagii!!
Sharmake Axmed Muxumed Geelle
Xoghayaha Guud ee Golaha Wasiirrada JSL ahna Xoghayaha Guddida Qaadhaan ururinta Aabaaraha