Wardegdeg ah: Golaha Wakiilada Somaliland Oo meel mariyey Heshiiskii Dekeda Berbera Ee DP World + Mudaneyaal ku keliyeystay Diidmada + Kuwo Albaabka Boobay iyo Muuqaalo Is Akhriyaya oo Aanu idinka Hyano.
Hargeysa(WArsugannews) Saaka Subaxnimadii hore ayaa golaha wakiilada Somaliland u fadhiisteen sidii balanku ahaa shalay oo isniin ahayd inay isugu soo noqdaan kulanka xiga kaasi oo ku beegnaa Maanta oo Salaasa ah waxaana kulankaasi ka soo xaadiray Mudaneyaal tiradoodu dhan tahay 73 Mudane.
Ka dib Gudoomiye Cirro oo shirka gudoominaayey ayaa halkii ka sii waday markii goluhu furmay in doodii shalay halkeedii ka soo socoto, waxaanu ku bilaabay xildhibaanadii shalay is qoray inay ka doodaan, kuwaas oo markii mid mid loo xaadiriyey dhamaan ka cudur daartay inay dooda sii wataan goluhuna doodii labaad galo balse sided xildhibaan oo ka mid ahaa kuwii lagu bilaabay ayaa diiday inay wax dooda ka qabaan heshiiska dekeda.
Ka dib ayaa la guddo galay in golaha loo qaybiyo Miniteskii golaha waxaana markiina looga gudbay in cod loo qaado heshiiska waxaana cod gacan tag ah loo qaaday cidii ka soo horjeeda kuwaas oo noqday 4 xildhibaan, oo iyagu ka soo horjeestay, heshiiska waxaanay kala ahaayeen
1. Xil. Siciid Xilmi Rooble
2. Xil. Siciid Cartan
3. Xildhibaan Xaamud
4. Xil. Axmed Waysacade
halka laba ka mid ah xildhibaanadaasina ay golaha ka baxeen kuwaasoo kala ah
1. Xil. Xoog
2. Xil. Qabile
Halka ay cod aqlabiyad ah ay ku meel mariyeen majooritiga Xildhibaanadii fadhiyey kuwaas oo 69 Mudane ay u gacan taageen.
K adibna waxa sida caadada ah ku dhawaaqay in heshiiskaasi ansax yahay gudoomiyaha wakiilada mudane Cabdiraxmaan Cirro sidaasi ayaana lagu soo xidhay fadhigii golaha ee maanta.
Hargeysa/ Office/Somaliland
www.warsugannews.com
Warsuganmedia@gmail.com
Warsugan15@gmail.com