Kabtanka kooxda Barcelona ee Andres Iniesta ayaa ka hadlay guul dardii xalay ka soo gaartay dhigooda PSG oo uga adkaatay 4-0.
Andres Iniesta ayaa xalay ku tilmaamay inuu kooxdiisa u ahaa habeen musiibo ah maadama looga soo adkaaday 4-0 taas oo mugdi galisay rajadii ay ka lahaayeen u soo bixida wareega 8-da.
Iniesta ayaa sheegay in kooxdiisu aysan isdhiibi doonin isla markaana ay isku dayi doonaan inay dib ugu soo laabtaan ciyaarta kulanka lugta labaad.
“Wuxuu ahaa habeen musiibo ah marka dhan walba laga eego” ayuu yiri Andres Iniesta dhamaadkii ciyaarta xili wajigiisa laga dareemayay murug badan.
“Waxay nooga adkaadeen dhan walba, mana jirto sabab aan ku fasiri karno taas, wuxuu noo ahaa maalin xun iyo habeen xun laakiin waa inaan kor u soo qaadnaa nafteena kulanka kale”.