Illahayaw Meeshaa Somalia Maxay Nagu Haysaa Sheeko Gaaban
Waan Dhintay waxaanan u quluulay hoos markaan cabaar hoos Usii socday ayaan waxaan galay meel barwaaqo
Waa sheeko musalsala oo kamidda sheekooyinka ay curiyaan
Dadka aqoonyahakaa ama saaxiibul xikimka ah ee somalida
Ku jiraa nin ayaa yidhi waxa igu dhacaday xabad seeraaro ah
Amma wiifto ah hadaba sidda loo yaqaano kadib wuxuu yidhi
Waan Dhintay waxaanan u quluulay hoos markaan cabaar hoos
Usii socday ayaan waxaan galay meel barwaaqo ah oo cagaara
Waxaan meeshii cosobka ahayd dhexmushaaxaba markaan
Meel dhexe maraayo ayaa waxan soo gaadhay gurri wayn
Oo uu dhex taaganyahay nin dheer oo cad oo weji qurux badan
Rag kale oo badanina ay la joogaan dabeed ninkii dheeraa
Ayaa wuxuu xagayga usoo taagay ama usoo fidiyay gacantiisa midig
Gaar ahaan fardhexadiisa ayuu halkaa salaanta igaga beegay
Kadib sida birlabtu xaddiidka usoo jiidato oo kale ayaan xagiisii
U weecday waxaanu markii aan guriga dhxdiisii gaadhay
Iguyidhi magacaa dabeed waan usheegay magacaygii waxaanu
Iga baadhay buug way oo halkan agtiisa yaala dabeed magacaygii
Ayuu ka waayay waxaanu igu yidhi xagaad katimi?
Waxaan ugu jawaabay iftiinkii wuxuuna igu yidhi buugan kuma jirtid
Ee iska soco waxaanan uga dhaqaaqay halkii wejigaygayga ku beegnayd
Markaan hal cabaara socday oo aan kolba kasii baxaayo cagaarkii
Iyo barwaaqadii iyo qabawgii oo aan kolba dareemo kulayl iyo omosba
Waxaan galay meel kulul oo guban oo madaw oo haraadka iyo diifta
Aad yaabayso markaan xoogaa dhexmaraayay meeshii halaagnayd
Ayaa waxaan arkay guri madaw oo aad daamur mooddo oo uu dhex
Joogo nin madaw oo xoog wayn oo aanad wejigiisa eegi karayn
Oo ay ag joogaan rag kale oo badani sidii ninkii hore ee aan soodhaafay
Ayuu isna gacantiisa bidix xagayga usoo fidiyay aniga oo waraaq ahaana
Ataan sidii oo kale xagiisa u dhaqaaqay markii aan gaadhay gurigii
Uu dhexjoogay ayuu sidii oo kale iwaydiiyay magacayga waanan usheegay
Wuxuu kabaadhay buug madaw oo halkan agtiisa yaala sidii oo kale
Ayaa buugii kalena magacaygii looga waayay dabeedna wuxuu igu yidhi
Xagaad Kasoo dhimatay ?
Waxaan ku idhi iftiinkii wuxuu igu celiyay haaye waddankee ?
Waxaan ugu jawaabay Somalia dabeedna intii hareeraha eegay ninkii
Madoobaa ayuu yidhi Ilaahayaw meeshaa somalia maxay nagu haysaa
Maalin walba midaan wakhtigiisii dhamaan oo aan buuga naarta iyo ka janada
Midna ku jirin ayay nagusoo dedejinayaan
Wa Bilaahi Tawofiiq
By Sacad Cali Kaahin plucky