Ururka Samafalka ee Hayaan Ayaa dhagax dhigay Waadh Cusub oo ururkaasi ku biirinayo Cusbitaalka Salaxley iyadoo uu Ururka Hayaan uu hore u hirgaliyay Waadh iyo Madbakh .
Salaxlay(Warsugannews)Munaasibad kooban oo ka dhacday Magaalada Salaxley ayaa waxaa ka soo qeyb galay Masuuliyiin kala Duwan oo ay ka mid ahaayeen Gudoomiyaha Ururkaasi Hayaan Mudane C/naasir Dhoollayare , Marwo Ifraax Cali Cumar oo ah khasnajiga Ururkaasi , Maxmed Xasan Bardaax oo ah Xidhiidhiyaha Ururkaasi , Yusuf Jaamac Baaruud oo ah xubin firfircoon oo ka tirsan Ururkaasi Hayaan , Xildhibaan Siciid Maxamed Libaaxow, Boqor Raabi Yuusuf C/laahi , Xubnaha Guddida Ku Meel Gaadhka ah ee Beesha Deegaankaasi , Agaasimaha Waaxda Adeegga Caafimaadka ee Wasaaradda Caafimaadka Cabdi Cawil Cabdi iyo Masuuliyiin kale .
Ugu Horeen waxaa halkaasi Gudoomiyaha Ururka Hayaan Mudane C/naasir Dhoollayare waxaanu sheegay in ay maanta dhagax dhigayaan Waadhkii labaad kaas oo noqonaya ayuu yidhi Waadhkii labaad Ee ururka Hayaan ka hirgalinayo Cusbitaalka Salaxley “ Ujeddada isugu nimid waxaa weeye waxaanu dhagax dhigaynaa Waadhkii labaad oo uu dhagax dhigayo Ururka Hayaan , maaha kii ugu horeeyay ee waxaa nooga horeeyay waadhkan aynu hor taaganahay iyo Kijjo halkaa ka muuqataa , kan aanu dhagax dhigi doonaanaa wuxuu noqon doonaa mid kan ka wayn oo 20 Sariirood lagu xareeyo waxaa ku xigi doonaa laba waadh oo kale oo xafiisyo ku jiraan , Waxaan doonayaa in aan halkan iyagan uga mahadnaqo Ururka Haweenka Gaaroodi oo nooga horeeyay oo dhisay Isna dhakhtarkan dhankan inaga xigaa , ..”
Gudoomiyaha ayaa Xubnaha Ururka Hayaan ka raalli galiyay Arrin uu sheegay in ay muran dhalisay oo ka dhacday Waadh uu ururka Hayaan dhisay .
Agaasimaha Cusbitaalka Salaxley Jawhar Aw Cali iyo Agaasimaha Waaxda Adeegga Caafimaadd ee Wasaaradda Caafimaadka cabdi Cawil Cabdi oo iyana halkaasi ka hadlay ayaa u mahad naqay Ururka Hayaan .
Xubnaha Guddida ku meel Gaadhka ah ee Beesha Deegaankaasi , XIldhibaan Siciid Maxmed Libaaxow iyo Boqor Raabi oo halkaasi ka hadlay ayaa bogaadiyay Ururka Hayaan iyagoo ku dheeraaday wax wada qabsigu qiimaha uu leeyahay ;