Waxaa Qoray: yaasir br
Gooldhaliyaha ugu sareeya kooxda Barcelona ee xili ciyaareedkaan Luis Suarez ayaa laga yaabaa inuu caawa seego kulanka ay la leeyihiin kooxda Deportivo La Corona.
Hadaba Maxay Tahay Sababta Uu Caawa Kulankaan Ku Seegi Karo ?
Wuxuu Halis Ugu Jiraa Kaarkiisii 5aad
Gooladhaliyaha Barcelona ayaa qaba afar kaar oo digniin ah wuxuuna halis ugu jiraa inuu qaato kaarkiisii 5aad oo digniin ah wuxuuna seegi doonaa kulanka Valencia hadii uu qaato kaar digniin ah caawa.
Daal
Marka laga hadlo weerar sadex geeska ah, Luis Suarez ayaa ah qofkii ugu danbeeyay ee ka yimaada kulamada caalamiga ah, wuxuuna ku yimid safar aad u dheer. Messi ayaa ku sugnaa Barcelona halka Neymar uu ganaax ku seegay kulankii labaad ee Brazil wuxuuna soo laabtay xili hore laakin Suarez ayaa u baahan nasiino.
Kulanka MANCHESTER CITY
Inkastoo uusan Luis Enrique qiran karin, sidoo kalena ay kaaliyeyaashiisa ku qanacsaneyn, hadana kulankooda ay kooxda Pep Guardiola ee Man City la leeyihiin ayaa ku noqon kara Suarez mid uu ka daalo sidaasi darteed waxaa suurogal ah in la nasiyo kulanka Depor si uu taam buuxa ugu noqdo kulanka UCL.
Daqiiqado In Loo Helo ALCACER
Luis Suarez hadii la nasiyo waxya daqiiqado siin doontaa Paco Alcacer kaasoo wali raadinaya goolkiisii koowaad tan iyo markii uu ka yimid Valencia xagaagii.